له خەومای جەمیل صائیب
بڵاوکراوەتەوە لە : 15 کانوونی دووەم 2022
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 15 کانوونی دووەم 2022
نوسینی:
قەبارەی دەقەکان
قەبارەی دەقەکان
دكتۆر شێركۆ عەبدوڵا (تایبەت بە درەو)
رۆژگاری گەنیو، مهنسولی تەپیو
کوردیان دایه دەست هەتیو و مەتیو
جێگەی زانایان، پێگەی سەروەران
پڕ نابێتەوە قەت بە قەشمەران
کۆمەڵەی فکر و خەبات و مەوقیف
گشتی بەقوربان یەک یاری ئەزنیف
تاک تاک تێکۆشەر بوون بە ملیاردێر
بەڵام زۆربەیان پێیان ئەشێ خێر
پەرلەمانەکەی کاک ئەمین زەکی
بووە بە سەکۆ بۆ سێ جڕتەکی
ئەقڵ نووستووەو ویژدان غائیبە
ئەڵێی لە خەومای جەمیل صائیبە
لەباتی هەست و ئەخلاق و عیرفان
یەک خوامان هەیە پێی ئەڵێین گیرفان
مەعروف جیاوک گۆڕهەڵتەکێنە
جێ نشینەکەت مەلا بەزێنە
پیرەمێرد ئاممان شیعرت بۆ چیە
سوراحی ئێستا ژێر پیاڵەش نییە
پڕێتی لە ڕق سکی سەرکرده
بۆیه كورد هه رگیز نۆی نابئ بەده
