کەر لە کوێ کەوتوەو کونگە لە کوێ دڕاوە؟
بڵاوکراوەتەوە لە : 6 تەمموز 2023
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 6 تەمموز 2023
نوسینی:
قەبارەی دەقەکان
قەبارەی دەقەکان
د. شێركۆ عهبدوڵا تایبهت به (درهو)
رەعیەت: ساحێب ماڵەکەم ناوی قەحتانە
ئاغا: سەیری ئەسپەکەم، ئەھا چەند جوانە
رەعیەت: پیشام لە گەرما بە خواو پێغەمبەر
ئاغا: بڵێ بڕوخێ شانزەی ئۆکتۆبەر
رەعیەت: لە من تێ ناگەی، بەڕاست زۆر سەیرە
ئاغا: ھەولێر دەخەمە سەر دوو بوعەیرە
رەعیەت: لە حساب نایە سەگی بەرەڵا
ئاغا: شوققە بژمێرەو بڵێ ماشەڵا
رەعیەت: کە درۆن درەکەوت، دوای ئەو ناڵەیە
ئاغا: ئەم کاندیدەشمان بنەماڵەیە
رەعیەت: بەنداو دروستکە توو حەقی قورعان
ئاغا: ئینسانی چاکن خەزعەلی و مشعان
رەعیەت: ئیتر بەس نییە ھاوردەی عووعە؟
ئاغا: ھاوڕەگەزبازیی لای من مەمنوعە
رەعیەت: ھەقە کۆمەڵێ خریج تەعین کەن
ئاغا: پێڕم پێ نییە، ئەچم بۆ کۆنکەن
رەعیەت: میحراری کەلار سەرو پەنجایە
ئاغا: وا بە سیاحەت دێمەوە مایە
