دەرمانی کرم
بڵاوکراوەتەوە لە : 22 ئازار 2023
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 22 ئازار 2023
نوسینی:
قەبارەی دەقەکان
قەبارەی دەقەکان
د. شێركۆ عەبدوڵا تایبەت بە (درەو)
ـ ژیان کەی ناخۆش ئەبێ؟
+ کە وردە وردە تێی ئەگەی.
***
ـ مەبەستت چییە ئەڵێی ئیلۆن ماسک عەینەن من وایە؟
+ ئاخر ئەویش هەموو گیرفانەکانی بگەڕێی یەک دیناری پێ نییە.
**
ـ بە چی شێخت نامێنێ؟
+ مەتعەمەکە شەرقی بێ و ئاودەستەکەی غەربی
***
ـ کورد چ شتێکی (درەنگ) بۆ دەرئەکەوێ؟
+ ئەوەی کە (زوو) بە هەموو شتێک باوەڕ نەکات.
**
ـ نازانم چی بکەم. ئەمەوێ لە هەڵبژاردندا دەنگ بدەم
+ دەرمانی کرم بخۆ.
**
ـ وەرە قوڕمساغ. بزانم بۆچی جنێو بە کاوەی ئاسنگەر ئەدەی؟
+ عەفوم کە، وامزانی ساحێبی کەپرەکانی دوکانە.
**
- گەورەترین بەهرەی کچەکەتان چییە؟
+ ئەتوانێ لە پارکی ئازادی سەیارەکەی پارک بکات.
**
- چی لەوە خۆشترە ئینسان لە کوردستاندا مەسئول بێ؟
+ مەسئولزادە.
**
- حەزت لە کام خەمەیە؟
+ خەمی دووریی لە نیشتیمان.
**
- یەعنی چی ئەقڵی مەسئولەکان وەکو لووتی کچە مۆدێلەکان وان؟
+ یەعنی هەموویان لە یەک ئەچن.
