هەروا نەیەتەوە
بڵاوکراوەتەوە لە : 29 کانوونی یەکەم 2022
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 29 کانوونی یەکەم 2022
نوسینی:
قەبارەی دەقەکان
قەبارەی دەقەکان
د. شێركۆ عەبدوڵا تایبەت بە (درەو)
- دەی مەعتەلمان مەکە بەقوربان، کەل و پەلەکانت کۆکەرەوە
+ بە کاوەخۆ برا. عەجەلەی ناوێ
ـ بەخوا نیازت خراپە. دیارە ئەتەوێ کونێ، کەلەبەرێ بدۆزیتەوە ماوەکەت بۆ تازە بکەنەوە
+ حەیفت نەکرد؟ دیارە تۆ من بە پەڕلەمان ئەزانی یان بە ئەنجومەنی پارێزگاکان.
- ئەی کەواتە بۆ قنگە قنگ ئەکەی. دە هەستە جانتاو مانتاکەت بپێچەرەوە. لە بەرچاوی کامێراکانیش ماچێکم بەرێ
ـ بۆ ئەوەی تۆش بە درۆوە بگریت. بەحساب پێت ناخۆشە کە دێیتە جێگەکەم. ئەی ئەوە چییە بەدەستەوە؟
+ چەپکێک وردە بەردی کوردەوارییە، هەڵی ئەدەم بە دواتا، بۆ ئەوەی ئیتر ئیشەڵا سەر نەکەیتەوە بەم ناوەدا
- جا بۆچی بە چەپک؟ دانە دانە بیهاوەو تەواو
+ ئێستا مۆدەی وایە کاکە. مۆدەی چەپکە بەردو باوەشی ڕق و فرمێسکی تیمساحە.. درەنگە بەساقە. قاچ لەسەر قاچ دامەنیشە. با ئیشەکەمان تەواو بکەین.
- ئەگەر مەخسەدت دەورو تەسلیمە، ئەوە زۆر سەهوویت. وەختی خۆی چۆنم وەرگرتووە ئاوا تەسلیمتی ئەکەم
+ یەعنی چی؟
- یەعنی منیش بێ دەورو تەسلیم وەرمگرتووە.
+ عەجایەب. ئەی دوانزە مانگی ڕەبەق چیت کردووە؟
ـ کۆبونەوەکانم ژماردوە، خەڵکم لەسەرەی مەعاشا کوشتوە، قانونم ئاوەڕوت کردوە، عەرزی برای خۆم بکەم هەروابێتەوە…
+ نا نا.. ئیتر هەروا نایەتەوە. ئەبێ بیگۆڕین
- تۆ ئەیگۆڕی ؟… های تڕحێو. ئەگەر پاش دوو مانگی تر خەڵکەکە خۆزگەی بە زەمانی من نەخواست، بزانە ئەم مووە مووی پیاو نی یە
+ مووی پیاو!،،، هاهاها… ئاخر ئەو ئەقڵەکەتە بۆیە جادەو بانیان لە ڕقی تۆ پڕ کردوە لە بابا نۆئیل و گڵۆپی سەوزو سوور.
- لە ڕقی من نییە عەزیزم.. شتەکە چاو لێکەری یەو تۆزقاڵێکیشی نیشانەی ساویلەکەییانە
+ ساویلکەیی نییە جەناب. ئومێدیان بە موستەقبەلە
ـ جا یەعنی بەخێرێ ئەو موستەقبەلە جوانە لای تۆیە؟.. کوڕی باوکم من و تۆ هیچ کارەین. هەمووی بەدەست ئەمریکایە. باش بوو بیرم کەوتەوە. ها بگرە
+ چی یە ئەو پریاسکەیە؟
ـ تۆوی کاڵەکە. بیڕوێنن. هاوین کە پێگەیی بۆ خۆتان بە ئەژنۆ بیشکێنن
