هەڵەبجەیەک بەشمان ناکات
بڵاوکراوەتەوە لە : 21 ئەیلوول 2022
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 21 ئەیلوول 2022
نوسینی:
قەبارەی دەقەکان
قەبارەی دەقەکان
دكتۆر شێركۆ عەبدوڵا تایبەت بە (درەو)
هێشتا دوکانەکەی بەکر
دوو سابونەکەی هەر ماون
نەگبەتە لە باتی کڕیار
کرم و بەکتریا تێی داون
**
چەند خوێڕی یە ئەو درەختەی
سیخوڕی بۆ سەحرا دەکاو
خەبەر دەدات لەبارانێ
ئێمەو مانان بۆیە زیندووین
مردن بەهیچمان نازانێ
**
هەموو ڕۆژێ
گەوجێتی گوێمان با دەدات
ستەم چاو بزدەکاتەوەو
پێمان دەڵێ :
ئەنفالێک بۆ ئێوە کەمە
هەڵەبجەیەک بەشتان ناکات
**
دەمێ ساڵە ئاسوودەیی
لەو خۆرئاوایەوە هەڵدێ
کوێرەوەیەکەش لێرەوە
ترێلەی هەژدە تای یە
ئەم ژیانە
گشتمانی کرد بە ژێرەوە
**
ناڕەوایە سۆز بچێنین
کەچی ڕق و کینەو نەفرەت
بدروینەوە
کارەساتە
تەنیا هەر بادە شک ببەین
لە پەنایدا
خەمەکان بشارینەوە
