بۆ تۆرت کرد؟ بۆ تۆرای؟
بڵاوکراوەتەوە لە : 13 ئاب 2022
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 13 ئاب 2022
نوسینی:
قەبارەی دەقەکان
قەبارەی دەقەکان
دكتۆر شێركۆ عەبدوڵا تایبەت بە (درەو)
شار ترساوە
وەک مناڵێک کە پەرداخی شکاندبێ
وەکو کارمەندێکی قەرزار
مەعاشاکەی دۆڕاندبێ
وەکو کوردێکی دەرسیمی
لەترسی ئەشکەنجە وئازار
ئیعتیراف کات
ئەو ڕەسمەکەی ئەتاتورکی دڕاندبێ
***
باوکم زۆر بە تەجروبەیە
بۆ هەموو شت نەخشەی هەیە
منی هێنایە دنیاوە
تا عەلاگەی بۆ بفرۆشم
خاڵم پێش شایەتمان وتی
چاوی دکتۆرەکەی ئینعاش
بەردە،هەڵماتی شوشەیە
نابینێ چەندە نەخۆشم
***
کاتێک بڕیار ئەدەین بمرین
ڕاوێژ ناکەین
نە بەدڵ و نە بە ئەقڵ
کەدەسەڵات تەماشای ئاوێنە دەکات
هیچی ناشوبهێ بەشۆڕش
نە ناوەڕۆک ونە شکڵ
***
ئەو ئەکۆکێ
تابزانین ئاودەستەکە بەتاڵ نی یە
کە مشکەکان
دەستیان کرد بە تیلی لی لی
تێ ئەگەین کە هەڤاڵ گوربە
لە ماڵ نی یە
***
ئەو کاتەش کە جل هەڵ ئەخات
دایکمان خۆری نەدیوە
ئازادیمان قەفەزێکە
یەک تەیری تیادا نەفڕیوە
**
ـ بۆ تۆرت کرد ؟ بۆ تۆرای؟
+مێردە سەگبابەکەم لێی دام
-تۆ درەخت بوی
چۆن کۆچت کرد؟
+تەورێکی تازە ڕاوی نام
