غەسانەکان
بڵاوکراوەتەوە لە : 17 ئایار 2022
نوسینی:
قەبارەی دەقەکان
قەبارەی دەقەکان
بڵاوکراوەتەوە لە : 17 ئایار 2022
نوسینی:
قەبارەی دەقەکان
قەبارەی دەقەکان
دكتۆر شێركۆ عەبدوڵا (تایبەت بە درەو)
* نیشتیمان یەعنی ئەو هەموو شتانەی کە نەدەبوو ڕوو بدەن و ڕوویان دا -غەسان کەنەفانی-
* سۆشیالیزم یەعنی ئەو هەموو ملیۆنێرەی کە نەدەبوو دروست ببن و دروست بون -غەسانی سەرکردایەتی-
* فەیس بوک یەعنی ئەو هەموو پڕۆفایڵە درۆیەی کە نەدەبوو دابنرێن و دانران -غەسانی تویتەر-
* وەفا یەعنی ئەو تاک و تەرا ئینسانە شەریفەی کە نەدەبوو هەبن و هەن -غەسانی شاخ-
* حکومەت یەعنی ئەو یەک دوو قوتابخانە دەوڵەتییەی کە چاوەڕێین بڕوخێن و ناڕوخێن -غەسانی پەروەردە-
* مایس یەعنی ئەو هەموو لێزمە بارانەی کە چەترو جزمەمان بۆ حازر کردن کەچی خۆڵ و با دەرچون -غەسانی کەشناسی-
* ڕاپەڕین یەعنی ئەو هەموو کاڵەکەی کە دەبوو بیانخۆین، بەڵام بە ئەژنۆ پێیان شکاندین -غەسانی زەخت و شەکرە-
* عیشق یەعنی ئەو هەموو هاوسەرگیرییەی کە دوای سێ مانگ بە تەڵاق کۆتاییان دێت -غەسانی مەحکەمەی شەرعی-
* سامانە سروشتییەکان یەعنی ئەو هەموو نەوت و غازەی کە نەدەبوو بمانخاتە سەر ساجی عەلی و خستینی -غەسانی مالیە-
