درەو:
رەجەب تەیب ئەردۆغان سەرۆكی توركیا رایگەیاند وڵاتەكەی بە پراكتیكی سیستمتی دژە موشەكی " ئێس 400" ی تاقیكردوەتەوەو هەڵویستی واشنتۆنی بەلاوە گرنگ نیەو مۆڵەتیشی لێ‌ وەرناگرێت.

ئەردۆغان ئەمڕۆ هەینی لە لێدوانێكیدا بۆ رۆژنامەنوسان وتیشی: یۆنان سیستمی دژە موشەكی ئێس 300ی روسی هەیە‌و بەكاریشیدەهێنێ,  ئایا ئەمریكا هیچ پرسیارێكی لە یۆنان كردووە دەربارەی ئەوە؟ نەخێر نەیكردووە.
ئەم هەڵوێستەی سەرۆكی توركیا دوای ئەوە دێ‌ كە ویلایەتە یەكگرتووەكانی ئەمریكا ئیدانەی سیستمی دژە موشەكی " ئێس 400"ی كرد لەلایەن توركیاوەو جەختیكردەوە كە ئەو هەنگاوەی توركیا لێكەوتەی خراپی دەبێت.