“دەستبەسەرکردنی هەڕەمەکیانە و پشکنینی نایاسایی ئامێری ئەلیکترۆنی”

درەو:

كونسوڵی گشتی ئەمریكا لە هەرێمی كوردستان نیگەرانی خۆی لەبارەی پاشەكشەی ئەمدواییەی ئازادی راگەیاندن بە رۆژنامەنووسان راگەیاندووە.

نوێنەری (درەو) لەگەڵ ژمارەیەك لە دەزگاكانی راگەیاندن لەگەڵ كونسوڵی گشتی ئەمریكا لە هەرێمی كوردستان كۆبووەوە.

 

🔹 راگەیەندراوی كونسوڵخانەی ئەمریكا لە هەرێمی كوردستان:

 

مارک سترۆ کونسوڵی گشتیی کونسوڵخانەی ئەمریکا لەگەڵ ڕۆژنامەوانانی ژمارەیەک ناوەندی ڕاگەیاندنی سەربەخۆ کۆبووەوە بۆ ئاشنابوون بە کارەکانیان و پانتایی کاریی ڕاگەیاندن و ئەو ئاڵنگاریانەی ڕوبەڕوی ڕاگەیاندنی سەربەخۆ دەبنەوە. کونسوڵی گشتی دەستخۆشی لە ڕۆژنامەوانەکان کرد لە بەرامبەر هەوڵە بەردەوامەکانیان بۆ ڕوماڵکردنی بێلایەنانەی هەواڵە سیاسی و ئابوری و کۆمەڵایەتیەکانی هەرێم. بەردەوامین لە نیگەرانیەکانمان دەربارەی پاشەکشەی ئەم دواییانەی ئازادیی ڕاگەیاندن، پاشەکشە لە نموونەی دەستبەسەرکردنی هەڕەمەکیانە و پشکنینی نایاسایی ئامێری ئەلیکترۆنی و کەموکوڕیی لە جێبەجێکردنی یاسای کاری ڕاگەیاندن و یاسای مافی بەدەستهێنانی زانیاریی هەرێمی کوردستان