(درەو میدیا):
سبەی دووشەممە مەولود چاوەش ئۆغڵۆ وەزیری دەرەوەی توركیا بۆ كۆبوونەوە لەگەڵ مایك پۆمپیۆ وەزیری دەرەوەی ئەمریكا دەگات واشنتۆن.
بە گوێرەی میدیاكانی توركیا تەوەرەی سەرەكی كۆبوونەوەكەی چاوەش ئۆغڵۆ و پۆمپیۆ ، تاوتوێكردنی دۆخی شاری مەنبەجە كە توركیا داوادەكات هێزەكانی سوریای دیموكرات پاشەكێی لێبكەن.
هەفتەی رابردووش تیمی هاوبەشی توركیا و ئەمریكا لە ئەنكەرە لەسەر هەمان پرس كۆبوونەوە و میدیاكانی توركیا رایانگەیاند كە ئەنكەرە و واشنتۆن لەسەر نەخشە رێگایەك بۆ بەڕێوەبردنی مەنبەج و كشانەوەی هێزە كوردییەكان گەیشتونەتە رێككەوتن، بەڵام هێزەر ناوێرت وتەبێژی وەزارەتی دەرەوەی ئەمریكا رەتیكردەوە رێككەوتن كرابێت.